Xiaomi - ყველაფერი წარმატებული კომპანიის შესახებ | Sold.ge

Xiaomi - ყველაფერი წარმატებული კომპანიის შესახებ | Sold.ge

Xiaomi - ყველაფერი წარმატებული კომპანიის შესახებ

Xiaomi - ყველაფერი წარმატებული კომპანიის შესახებ

  • შესავალი;
  • ზოგადი ინფორმაცია;
  • წარმატების ფორმულა;
  • ლოგოტიპი, სიმბოლიკა და სახელწოდება;
  • დამფუძნებლები;
  • პროდუქცია;
  • მიღწევები;
  • განახლება და მხარდაჭერა;
  • Redmi ხაზი;
  • სმარტფონების კლასიფიკაცია;
  • ნაკლოვანებები;
  • პარტნიორობა Qualcomm-თან;
  • ფაქტები კომპანიის შესახებ;
  • სმარტფონების ჩამონათვალი ფოტოებით;
  • შეჯამება.

ჩინური კომპანია Xiaomi ერთ-ერთი მთავარი კონკურენტია თანამედროვე გაჯეტების ბაზარზე. ხსენებული კომპანია წარმოებული მოწყობილობის რაოდენობით შედის ათი უმსხვილესი კომპანიის ჩამონათვალში. მსოფლიოში მას მეექვსე ადგილი უჭირავს, ჩინეთში კი - მეოთხე. სმარტფონების ბაზარზე ლიდერული პოზიციის შენარჩუნება უკიდურესად რთულია, ახალგაზრდა ბრენდს კი ეს შესანიშნავად გამოსდის.

Xiaomi Logoზოგადი ინფორმაცია

ჩინელმა ანტრეპრენერმა ლეი ცზიუნმა შვიდ პარტნიორთან ერთად დააფუძნა კომპანია Xiaomi 2010 წლის 6 აპრილს. Kingston-ის ყოფილმა თანამშრომელმა გამოცდილება სხვა კომპანიაში მიიღო და შეძენილი ცოდნა და გამოცდილება საკუთარი სტარტაპის განვითარებისკენ მიმართა. იმავე წლის აგვისტოში გამოვიდა პროგრამული უზრუნველყოფა MIUI, რომელიც არსობრივად აერთიანებდა Samsung TouthWiz-ისა და Apple IOS-ის სტილს და დაფუძნებული იყო ოპერაციულ სისტემა Android-ზე. კომპანიის პირველი სმარტფონის- Mi 1-ს პრეზენტაცია შედგა 2011 წლის აგვისტოში. იგი გამოვიდა ორ ვარიანტად: Android-ით და MIUI-თ. ზუსტად ერთი წლის შემდეგ გაყიდვაში გამოვიდა Xiaomi-ს რიგით მეორე სმარტფონი - Mi 2. 

2013 წლის სექტემბერში კომპანიის მიერ გაყიდული დივაისების რაოდენობამ 10 მილიონ ერთეულს გადააჭარბა. სექტემბრის ბოლოს ჩინეთის სახალხო რესპუბლიკის დედაქალაქში გაიხსნა Xiaomi-ს პირველი ფლაგმანური მაღაზია. ერთი თვის შემდეგ კომპანიამ მეხუთე ადგილი დაიკავა ჩინეთში ყველაზე მოთხოვნად და პოპულარულ მწარმოებლებს შორის.

ამავე 2013 წლის სექტემბერში დაანონსდა მესამე სმარტფონი - Mi 3. აგრეთვე, კომპანიის დამფუძნებელმა განაცხადა, რომ კომპანია გეგმავს 47-დუიმიანი 3D ტელევიზორის გამოშვებას Android-ის ბაზაზე.

Xiaomi-ს ზოგიერთი სმარტფონი Foxconn-ის ქარხნებში მზადდება. ამავე ქარხნებში იწარმოება აგრეთვე Apple-ის გაჯეტები - iPhone და iPad.

Обзор компании Xiaomi

Xiaomi Logoკომპანიის წარმატების ფორმულა

Xiaomi გაჯეტების ბაზარზე დიდი ხანი არაა რაც ფიგურირებს. მაგალითად, Apple Xiaomi-ზე 34 წლით დიდია, Samsung-თან სხვაობა კი 72 წელს შეადგენს. თუმცა, მიუხედავად „ახალგაზრდა ასაკისა“, კომპანია ძლიერი კონკურენტია ბაზარზე ათწლეულების წინ დამკვიდრებული კომპანიებისთვის. 

ამ ვითარების მთავარი მიზეზია ხელმისაწვდომი ფასი. Xiaomi გვთავაზობს მოწყობილობებს, რომლებიც წარმოდგენილნი არიან თანამედროვე დიზაინითა და კარგი ტექნიკური მახასიათებლებით და ღირსეულ კონკურენციას უწევენ სხვა ბრენდის გაჯეტებს. სწორედ მისაღები ფასი განაპირობებს Xioami-ს მოთხოვნადობას, რადგანაც ყველა ადამიანს არ შეუძლია ან არ აქვს სურვილი - შეიძინოს ძვირადღირებული ბრენდის მოწყობილობა. Xiaomi ერთ-ერთი ყველაზე მოთხოვნადი კომპანიაა მთელი მსოფლიოს მასშტაბით.

კომპანიის დირექტორი აცხადებს, რომ სმარტფონები პრაქტიკულად თვითღირებულების ტოლ ფასად იყიდება. თავდაპირველად Xiaomi-ს მოწყობილობები კიდევ უფრო იაფი იყო, რადგანაც არ იყიდებოდა ჩვეულებრივ მაღაზიებში და კომპანიას არ სჭირდებოდა სასაწყობე და სარეალიზაციო ხარჯების გაღება.

პირველივე შეხედვით ხდება ცხადი, რომ კომპანია ნიუანსებს სხვადასხვა წარმატებული კომპანიისგან „სესხულობს“: გარეგნული დიზაინის სიმარტივე და ლაკონურობა Apple-ის სტილს მოგვაგონებს, კარგი ფუნქციური შესაძლებლობები კი - Samsung-სა და Meizu-ს.

წარმატების კიდევ ერთი უმნიშვნელოვანესი ფაქტორია მომხმარებლებთან კომუნიკაცია. კომპანიის ხელმძღვანელობა რეგულარულად ატარებს ღონისძიებებს, სადაც Xiaomi-ს მომხმარებლებს შეუძლიათ გამოთქვან თავიანთი აზრი, კომპანია კი ცდილობს ყველას მოუსმინოს და თავისი სმარტფონები კიდევ უფრო მეტად ხალხზე მორგებულად აქციოს.

Обзор компании Xiaomi

Xiaomi Logoლოგოტიპი, სიმბოლიკა და სახელწოდება

ბრენდის სიმბოლო თეთრი კურდღელია, რომელსაც წითელვარსკვლავიანი მწვანე კეპი ახურავს, ყელზე კი პიონერული ყელსახვევი უკეთია.თუმცა დღესდღეობით სიმბოლო-კურდღლის არსებობა კითხვის ნიშნის ქვეშ დგას. საქმე ის გახლავთ, რომ ევროპის უმეტეს ქვეყანაში ხუთქიმიან წითელ ვარსკვლავს კომუნიზმის სიმბოლოდ აღიქვამენ, რაც თავის მხრივ ტოტალიტარიზმთან ასოცირდება. ჯერჯერობით ლოგოტიპი არ შეცვლილა, თუმცა საკითხი მუდმივ განხილვაშია, ამჯამად ლოგოტიპად გამოიყენება სიმბოლო - Xiaomi Logo.

ერთი ვერსიის თანახმად ასოები „Mi” არის „Mobile Internet“-ის აბრევიატურა. მეორე ვერსიით კი აბრევიატურა იშიფრება, როგორც „Mission impossible“ (შეუსრულებელი მისია), რაც გამოხატავს იმ სირთულეების გადალახვას, რასაც წააწყდა და აწყდება ახალგაზრდა კომპანია.

რაც შეეხება ლოგოტიპის მეორე ნაწილს - „UI”, იგი იშიფრება, როგორც „User Interfase“ (სამომხმარებლო ინტერფეისი).

კომპანიის სახელის გამოთქმაც ცალსახა არ გახლავთ: Xiaomi-ს ხშირად გამოთქვამენ, როგორც ქსიაომი, სიაომი, შიაომი, შაომი, ჰიაომი. ყველაზე ახლოს ორიგინალ ჟღერადობასთან „შიაომი“ დგას.

Xiaomi Logoდამფუძნებლები

ზემოთ უკვე აღვნიშნეთ, რომ კომპანიის დამფუძნებელი და მფლობელი ლეი ცზიუნი გახლავთ, მისი პარტნიორები კი არიან კომპანიის სამოქმედო სეგმენტში გამოცდილი პირები:

  • Bin Lin;
  • Wanqiang Li;
  • Guangping Zhou; 
  • Wong Jiangji;
  • Feng Hong;
  • De Liu;
  • Chuan Wang.

ყველა მათგანი თავისი საქმის ოსტატი და გამოცდილი პირია, რამდენიმე მათგანი Xiaomi-მდე მუშაობდა Windows Vista-სა და Microsoft-ში, სამი პირი კი Google-ის ყოფილი თანამშრომელი გახლავთ.

Xiaomi Logoკომპანიის პროდუქცია

Xiaomi-მ დიდი პოპულარობა სმარტფონების გაყიდვით მოიპოვა, თუმცა კომპანია სხვა სახის ტექნიკასაც აწარმოებს. ესენია:

  • უსადენო      მაუსები;
  • კლავიატურები;
  • სმარტ      საათები;
  • კომპიუტერები;
  • ტელევიზორები;
  • ფოტო-ვიდეო      ტექნიკა;
  • პლანშეტები;
  • პერსონალური      ელექტრო ტრანსპორტი.
  • სასმელი      წყლის სისუფთავის შესამოწმებელი ტესტერები;
  • ოთახის      სმარტ სანათები;
  • ვიდეოდაკვირვების      კამერები;
  • ფიტნეს-სამაჯურები;
  • სმარტფონით      მართვადი საბავშო სათამაშოები;
  • ზურგჩანთები;
  • ბრელოკები      კომპანიის სიმბოლიკით;
  • ჭურჭელი;
  • სამგზავრო      ჩემოდნები.

Xiaomi-ს დამსახურებულად შეგვიძლია ვუწოდოთ მრავალფუნქციური კომპანია, რადგანაც იგი პროდუქტების ფართო სპექტრს აწარმოებს. თუმცა ბევრი პროდუქტის შემუშავებისას მხოლოდ Xiaomi არ მუშაობს: ბრენდი ცდილობს ყველანაირად შეუწყოს ხელი ახალბედა პროგრამისტებსა და სტარტაპერებს, ამიტომ ზოგიერთ მათგანს საშუალებას აძლევს ჩაერთოს საქმიანობაში. შედეგად კომპანიას ბაზარზე გამოაქვს ნივთების ფართო არჩევანი, ახალი პროექტები კი პოპულარობას იხვეჭენ დიდი კომპანიის სახელითა და მხარდაჭერით. 

Обзор компании Xiaomi

Xiaomi Logoმიღწევები

მიუხედავად ახალგაზრდა ასაკისა, Xiaomi-მ არაერთი მწვერვალი დაიპყრო. კომპანიის რეკორდებია:

  1. 2015 წლის პირველ ორ კვარტალში კომპანიამ აწარმოა და გაყიდა 35 მლნ-ზე მეტი გაჯეტი;
  2. შევიდა მსოფლიოში ყველაზე მეტი სმარტფონის მწარმოებელთა ოთხეულში;
  3. კომპანია აღიარებულია ერთ-ერთ ყველაზე სწრაფად მზარდ და წარმატებულ კომპანიად სმარტფონების სეგმენტში;
  4. დაახლოებით 200 მლნ მომხმარებელი ყოველკვირეულად ახდენს თავიანთ სმარტფონებში MIUI-ს ახალი ვერსიის ჩამოტვირთვას;
  5. გახსნილია 100-ზე მეტი ფიზიკური მაღაზია - Mi Home;
  6. 2016 წელს მხოლოდ ინდოეთის ტერიტორიაზე კომპანიის შემოსავალმა შეადგინა 1 მლრდ დოლარი. Mi Ecosystem-მა Xiaomi-ს მოუტანა 2 მლრდ დოლარი იმის წყალობით, რომ ეკოსისტემას დაუკავშირდა 50 მილიონზე მეტი მოწყობილობა;
  7. გამოსვლიდან ორ კვირაში მოდელმა Redmi Note 7-მა გაყიდვებში რეკორდი მოხსნა: 14 დღეში გაიყიდა 1 მლრდ ეგზემპლარი;
  8. გინესის რეკორდების წიგნში მოხვდა Xiaomi-ს ინჟინრების მიერ აწყობილი უზარმაზარი ანიმირებული ნაძვის ხე. მასში გამოყენებული იყო ათასზე მეტი, ერთმანეთთან სინქრონიზებული სმარტფონი.

Xiaomi Logoგანახლება და მხარდაჭერა

დაუშვებელია არ აღინიშნოს, თუ როგორი სიხშირით ხდება პროგრამული განახლება მოწყობილობებში - როგორც წესი, თვენახევარში ერთხელ. კომპანია დიდ ყურადღებას უთმობს საფირმო MIUI-ს და მას უამრავ სასარგებლო ფუნქციას ამატებს. ერთ-ერთი მათგანია მეორე სივრცე და აპლიკაციების კლონირების შესაძლებლობა. MIUI მსოფლიო ენებზეა თარგმნილი და აქვს ამჟამად ყველაზე აქტუალური 4G დიაპაზონის მხარდაჭერა. 

კომპანია არ ივიწყებს ძველი მოდელების მხარდაჭერასაც. მაგალითად, 2014 წელს გამოვიდა სმარტფონი Xiaomi Redmi 2, განახლებები კი მასზე 2018 წლის პირველ კვარტლამდე მოდიოდა.

Xiaomi LogoRedmi ხაზი

Обзор компании Xiaomi

კომპანია Xiaomi ოდნავ შესამჩნევ საზღვარს ავლებს Mi და Redmi ხაზის სმარტფონებს შორის. მცირე ხნის წინ ცნობილი გახდა ამგვარი დემარკაციის მიზეზი.

საქმე ის გახლავთ, რომ კომპანია ცდილობს დააკმაყოფილოს ყველა სეგმენტის მომხმარებლის მოთხოვნები, რაც საკმაოდ რთულია. ამიტომ მიღებულ იქნა გადაწყვეტილება - სმარტფონები ორ ნაწილად გაყოფილიყო: Redmi სერია გახლავთ ხელმისაწვდომი, ბიუჯეტური ხაზი, Mi კი - გაცილებით პრემიალური დონის.

ამგვარი მიდგომა კომპანიას საშუალებას აძლევს საკმარისი ყურადღება დაუთმოს სმარტფონების ყველა ხაზს. თითოეულ ბრენდს საკუთარი ხელმძღვანელობა ჰყავს და ისინი Xiaomi-ს დაქვემდებარებაში იმყოფებიან.

Xiaomi Logoსმარტფონების კლასიფიკაცია

სმარტფონების დასახელებები სწორხაზოვნად ასახავს, თუ რომელ ხაზს და თაობას მიეკუთვნება კონკრეტული მოდელი. უკეთ გასარკვევად წარმოგიდგენთ კლასიფიკაციას:

  • Mi – პრემიუმ      სეგმენტი. მასში წარმოდგენილია მაღალი კლასის როგორც სტანდარტული მოდელები, აგრეთვე      დიდი ეკრანის მქონე ვერსიები;
  • Mi Se – Mi      სეგმენტის ცალკეული ხაზი, რომელიც შედარებით შემცირებული მახასიათებლებითაა      წარმოდგენილი;
  • Mi Note – სმარტფონები დიდი ეკრანითა და      ოფიციალური დიზაინით;
  • Mi Max – Mi Note-ის მსგავსი      მოდელები დიდი მოცულობის ბატარეითა და მინიმალური ზომის ჩარჩოებით;
  • Mi A – ერთ-ერთი ყველაზე პოპულარული ბრენდი.      ამ ხაზის მოწყობილობები მუშაობს „სუფთა“ Android-ზე და შესანიშნავად გამოიყენება      სხვადასხვა აპლიკაციებში მომუშავეების მიერ.

Xiaomi Logoკომპანიის ნაკლოვანებები

პროგრამული უზრუნველყოფის ხშირ განახლებებს უარყოფითი მხარეც აქვს: როგორც წესი, ახალ ეტაპზე ისინი „ნედლია“ და საჭიროებს დამატებებს. კომპანია მუდამ ცდილობს მოუსმინოს მომხმარებლების გამოხმაურებას და მაქსიმალურად მოკლე ვადაში მოაგვაროს ხარვეზები.

კიდევ ერთი ნაკლოვანება: Xiaomi-ს სმარტფონებს არ აქვს მტვრისა და წყლისგან დაცვა. ისეთი ცნობილი კომპანიები, როგორებიცაა Samsung (Galaxy-ხაზის ფლაგმანები) და Apple უკვე დიდი ხანია აწარმოებენ წყალგამძლე სმარტფონებს და აქტიურად იყენებენ ამ მახასიათებელს რეკლამაში. რაც შეეხება Xiaomi-ს, მისი ტელეფონების გამოყენება წვიმაშიც არ არის რეკომენდებული.

Обзор компании Xiaomi

Xiaomi Logoპარტნიორობა Qualcomm-თან

რიგითი მომხმარებელი, როგორც წესი, მობილურ პროცესორს ხშირად ყურადღებას არ აქცევს, თუმცა მახასიათებლებში გარკვეული მომხმარებლებისთვის პრიორიტეტია. კომპანიის მიზანი კი გახლავთ ყველა მომხმარებელს ხარისხიანი გაჯეტები შესთავაზოს. სწორედ ამიტომ, Xiaomi-ის პარტნიორი და მომწოდებელი გახლავთ ამერიკული კომპანია Qualcomm. ჩინური და ინდური კომპანიების უმეტესობა თანამშრომლობს ჩიპსეტების მწარმოებელ MediaTek-თან, თუმცა Qualcomm-ს მთელი რიგი უპირატესობები გააჩნია ტაივანურ MediaTek-თან შედარებით.

პირველ რიგში, ამერიკული კომპანია ფოკუსირებულია შეინარჩუნოს ბალანსი თავისი ჩიპსეტების ენერგოეფექტურობასა და წარმადობას შორის. Qualcomm-ისთვის ელემენტები გადამწყვეტ როლს თამაშობს, ამიტომ კომპანია საკმაოდ დიდი ყურადღებას უთმობს ამ საკითხსაც.

გარდა ამისა, Qualcomm-ს შეუძლია თავი მოიწონოს თავისუფალი ნავიგაციით. ბევრი მომხმარებელი მას მნიშვნელოვნად მიიჩნევს სმარტფონის შერჩევისას.

Snapdragon პროცესორები, რომელთაც Qualcomm აწარმოებს Xiaomi-სთვის, MediaTek-ის პროდუქციასთან შედარებით ძვირია, თუმცა ორივე კომპანია გაერთიანდა მიზნით - შექმნან ხარისხიანი სმარტფონები, რომლებიც კონკურენციას გაუწევენ სხვა კომპანიის მოწყობილობებს.

Xiaomi Logoფაქტები Xiaomi-ს შესახებ

  • 2019 წლის პირველ კვარტალში კომპანიამ მოახდინა 28 მილიონზე მეტი სმარტფონის რეალიზაცია.
  • სახელწოდება „Xiaomi” იშიფრება, როგორც „ბრინჯის მარცვალი“. იგი გამოხატავს იმას, რომ კომპანია მზადაა დაიწყოს მცირედით და დაიპყროს მწვერვალები. სახელს აგრეთვე კავშირი აქვს ბუდისტურ მოძღვრებასთან.
  • Xiaomi პრაქტიკულად არ იყენებს რეკლამას, რაც გასაკვირია ასეთი პოპულარობის ფონზე. ეს ფაქტიც ამტკიცებს იმას, რომ მომმხარებლები ბრენდს უპირატესობას ანიჭებენ ხარისხისა და ფასის, და არა უბრალოდ გახმაურებული სახელის გამო. კომპანიის რეკორდია რამდენიმე წამში გაყიდული 15 ათასი Mi 3 სმარტფონი! ამ მიღწევის გამო Xiaomi კიდევ ერთხელ მოხვდა გინესის რეკორდების წიგნში.
  • კიდევ ერთი რეკორდი - 2014 წელს ერთ დღეში გაიყიდა 2.1 მილიონზე მეტი სმარტფონი. ამ დღეს კომპანიამ შემოსავლის სახით 432 მლნ აშშ დოლარი მიიღო.

სმარტფონების ჩამონათვალი ფოტოებით

https://sold.ge/image/blog/9c71d01082a933d538a9f48e607cd28dd2cd99aa.JPG













ყველაზე პოპულარული და მოთხოვნადი მოდელები:

მობილური Xiaomi Redmi 7A (Global Version)


მობილური Xiaomi Redmi 8A (Global Version)

მობილური Xiaomi Redmi Note 8 (Global Version)

მობილური Xiaomi Redmi Note 8 Pro (Global Version)

გამართლებულია ითქვას, რომ Xiaomi თუმცა ახალგაზრდა, მაგრამ ღირსეული ბრენდია. სწორედ მომხმარებლებზე ორიენტირებულობა აძლევს მას საშუალებას - შეინარჩუნოს მაღალი პოზიცია მსოფლიოს სმარტფონების მწარმოებელთა რეიტინგში. ჯამში Xiaomi-ს მომხმარებელთა უდიდესი ნაწილი კმაყოფილია, რადგანაც ხელმისაწვდომია შესანიშნავი ხარისხი მისაღებ ფასად.


გადმოდი SOLD.GE-ზე და შეარჩიე სმარტფონი, რომელიც შენი განუყრელი მეგობარი გახდება! სასიამოვნო შოპინგს გისურვებთ!

ბლოგის მასალების გატანა/გამოყენების შემთხვევაში გთხოვთ, მიუთითოთ წყარო

SOLD.GE-ს გუნდი


200