Google-ის მიერ წარმოებული მოწყობილობები

Google-ის მიერ წარმოებული მოწყობილობები | Sold.ge

Google-ის მიერ წარმოებული მოწყობილობები

Google-ის მიერ წარმოებული მოწყობილობები

კორპორაცია Google უპირველეს ყოვლისა საძიებო სისტემით არის ცნობილი, თუმცა იგი აწარმოებს მოწყობილობებსაც, რომლებსაც განვიხილავთ მოცემულ ბლოგში.

ამჯერად გაგაცნობთ შემდეგ მოწყობილობებს:

  • სმარტფონები Google Pixel;
  • პლანშეტები Pixel C და Pixel Slate;
  • ლეპტოპები Chromebook Pixel, Pixelbook;
  • ვირტუალური რეალობის ჰედსეტი Google Daydream;
  • სმარტ ჰაბი ხმოვანი ასისტენტით Google Home;
  • სმარტ ყურსასმენი Pixel Buds.

მოდით, დავიწყოთ სმარტფონებით.

Pixel და Pixel XL 

Pixel და Pixel XL Google-ის პირველი სმარტფონებია, მათ კომპანია HTC აწყობს. სმარტფონების წარდგენა შედგა 2016 წლის 4 ოქტომბერს სან-ფრანცისკოში გამართულ სპეციალურ ღონისძიებაზე.

სმარტფონების ძირითადი მახასიათებლები გახლავთ შემდეგი:

  • დისპლეი: 5 ″ (130 მმ), FHD Amoled, 441ppi ან 5,5 ″ (140 მმ) QHD Amoled 534ppi;
  • მეხსიერება: 32 ან 128 გიგაბაიტი;
  • ოპერატიული მეხსიერება: 4 გბ (LPDDR4);
  • პროცესორი: 2,15 გჰც + 1,6გჰც, ოთხბირთვიანი, 64-ბიტიანი (ARMv8-а)

Pixel 2 და Pixel 2 XL

Pixel 2-ის ორი მოდიფიკაცია გამოვიდა 2017 წლის ოქტომბერში.

  • მოწყობილობებს აქვთ OLED ტიპის დისპლეი: 5-დუიმიანი 1080×1920 AMOLED Pixel 2 მოდელში და 6-დუიმიანი 1440×2880 P-OLED ეკრანი - 2 XL ვერსიაში. 
  • ეკრანი დაფარულია დამცავი მინა Corning Gorilla Glass 5-ით. 
  • ცენტრალური პროცესორის სახით წარმოდგენილია Qualcomm Snapdragon 835. 
  • მობილური ტელეფონების ფლეშ-მეხსიერების მოცულობაა 64 ან 128 გიგაბაიტი, ოპერატიული მეხსიერებისა კი - 4 გბ LPDDR4X. 
  • მოწყობილობები მუშაობს ოპერაციულ სისტემა Android 8.0-ზე, რომელიც შემდგომში განახლდა Android 9.0-მდე.

Pixel 3 და Pixel 3 XL

მობილური Pixel 3 გამოვიდა 2018 წლის ოქტომბერში, ტრადიციულად ორ მოდიფიკაციად. საბაზისო ვერსიის დისპლეის ზომა წინა თაობის მოდელთან შედარებით გაიზარდა: 5-დუიმის ნაცვლად მისი ზომაა 5.5 დუიმი 2160×1080 გაფართოებით, Pixel 3 XL-ის ეკრანის მონაცემები კი გახლავთ 6.3 დუიმი და 2960×1440 გაფართოება. პროცესორის სახით წარმოდგენილია Qualcomm Snapdragon 845. არ შეცვლილა მეხსიერების მოცულობა: ფლეშ-მეხსიერება კვლავ 64 ან 128 გიგაბაიტის ტოლია, ოპერატიული მეხსიერება კი - 4 გიგაბაიტის.

Pixel 3a და Pixel 3a XL

Pixel 3a გამოვიდა 2019 წლის 7 მაისს. ამ სერიის სმარტფონები გვევლინება, როგორც Pixel 3-ის „უმცროსი“ ვარიანტები, თუმცა კამერები მისი იდენტური აქვთ. ამ მოდელებშიც მოცემულია Android 9.0 სისტემა, 5.6-დუიმიანი AMOLED დისპლეი 2220×1080 გაფართოებით (6 დუიმი და 2160×1080 გაფართოება XL ვერსიაში). ბატარეის მოცულობაა 3000 მა/სთ. ტელეფონი მუშაობს Qualcomm Snapdragon 670 პროცესორზე, ფლეშ-მეხსიერების მოცულობაა 64 გბ, ოპერატიულისა კი - 4 გბ.

Pixel 4 და Pixel 4 XL

Pixel 4 სმარტფონის ორი ვერსია 2019 წლის ოქტომბერში გამოვიდა. ორივე მათგანი მუშაობს ოპერაციულ სისტემა Android 10-ზე. Pixel 4-ის ეკრანის დიაგონალი 5.7 დუიმია, Pixel 4 XL-ისა კი - 6.3 დუიმი. ორივე მათგანის კადრის განახლების სიხშირე 90 ჰერცია. პროცესორის სახით გამოყენებული Snapdragon 855 ჩიპსეტი, ოპერატიული მეხსიერების მოცულობა ორივე სმარტფონში 6 გიგაბაიტია, ინტეგრირებული მეხსიერება კი - 64 ან 128 გბ.

პლანშეტი Pixel C

Pixel C პირველი პლანშეტია Pixel-სერიაში. იგი 2015 წლის 29 სექტემბერს გამოვიდა. მისი ძირითადი მახასიათებლები გახლავთ შემდეგი:

  • დისპლეი: 10,2", 2560x1800 პიქსელი;
  • მეხსიერება: 32 ან 64 გბ;
  • RAM: 3 გბ;
  • კამერები: 8 მპ (უკანა), 2 მპ (ფრონტალური);
  • პორტები: USB-C, 3,5-მილიმეტრიანი კონექტორი ყურსასმენისთვის;
  • ოპერაციული სისტემა: Android 6.0.1 - Android Nougat-მდე განახლების შესაძლებლობით.

პლანშეტი Pixel Slate tablet

ეს მოდელი გამოვიდა 2018 წლის ოქტომბერში. იხილეთ მისი მახასიათებლები:

  • ორი პორტი USB-C;
  • Intel Celeron, Core m3, Core i5 ან Core i7 პროცესორი, მოდიფიკაციების მიხედვით;
  • სისტემა: Chrome OS;
  • დისპლეი: 12.3 დუიმი 3000x2000 გაფართოებით;
  • ფლეშ-მეხსიერება: 32, 64 ან 128 გბ;
  • ოპერატიული მეხსიერება: 4, 8 ან 16 გბ;
  • კამერები: 8+8 მეგაპიქსელი;
  • ბატარეა: 48 ვტ/სთ.

ლეპტოპი Chromebook Pixel (2013)

2013 წლის Chromebook Pixel კომპანია Google-ის მიერ შექმნილი პირველი ლეპტოპია, იგი დაანონსდა 2013 წლის 21 თებერვალს კომპანიის ბლოგში.

ნოუთბუქს აქვს SD-/ მულტი ქარდ რიდერი, Mini-DisplayPort, კომბინირებული კონექტორი ყურსასმენისა დამიკროფონისთვის, ორი პორტი USB 2.0. ლეპტოპის ზოგიერთ მოდიფიკაციას ასევე აქვს განათების მქონე კლავიატურა, თაჩპედი, სტერეოდინამიკები და ორი ინტეგრირებული მიკროფონი.

ლეპტოპის ძირითადი მახასიათებლებია:

  • დისპლეი: 12,85", 2560x1700 პიქსელი;
  • პროცესორი: მესამე თაობის Intel Core i5;
  • მეხსიერება: 32 გბ. ლეპტოპის შეძენისას მფლობელს სამი წლის ვადით უფასოდ გადაეცემა 1 ტერაბაიტიანი მეხსიერების სანახი სივრცე Google Drive-ზე.
  • ოპერატიული მეხსიერება: 4 გიგაბაიტი.

Chromebook Pixel (2015)

2015 წლის Cromebook Pixel რიგით მეორე ლეპტოპია კომპანიის ასორტიმენტში, მისი ანონსიც შედგა კომპანიის ოფიციალურ ბლოგში 2015 წელს.

ძირითადი მახასიათებლები:

  • დისპლეი: 12.85", 2560x1700 პიქსელი;
  • პროცესორი: მეხუთე თაობის Intel Core i5;
  • მეხსიერება: 32 ან 64 გბ. ლეპტოპის შეძენისას მფლობელს სამი წლის ვადით უფასოდ გადაეცემა 1 ტერაბაიტიანი მეხსიერების სანახი სივრცე Google Drive-ზე.
  • RAM: 8 ან 16 გბ;
  • პორტები: USB-C (2 x.), USB 3.0 (2 x.), SD-ბარათის სლოტი, კომბინირებული კონექტორი ყურსასმენისა და მიკროფონისთვის;
  • კლავიატურა განათებით, მინის თაჩპედი, სტერეოდინამიკები, 2 მიკროფონი.

Pixelbook (2017)

Google-ის მესამე ლეპტოპი-ტრანსფორმერი - 2017 წლის Pixelbook:

  • ანონსის თარიღი: 2017 წლის 4 ოქტომბერი;
  • დისპლეი: LCD, 12.3", 2400x1600 პიქსელი (235 PPI), მულტისენსორული ტექნოლოგია, სიკაშკაშე - 400 ნიტი, ფერთა გამა - 72 % (NTSC სტანდარტი);
  • პროცესორი: მეშვიდე თაობის Intel Core i5 ან i7;
  • შიდა მეხსიერება: 128, 256 ან 512 გბ (NVMe სტანდარტი);
  • ოპერატიული მეხსიერება: 8 ან 16 გბ ( DDR4 ტიპი);
  • ინტეგრირებული Google Assistant, 360°-ით მოძრავი ზედა პანელი, სამართავი ელექტრონული ფანქარი (სტილუსი).

კომპანია Google-ის მიერ წარმოებული შემდეგ საინტერესო მოწყობილობა გახლავთ Google Daydream View -ვირტუალური რეალობის უნიკალური ჰედსეტი

Google Daydream View 

უკვე მრავალი წელია ექსპერტები ცდილობენ, რომ ვირტუალური რეალობის ტექნოლოგია (VR) გახდეს ხელმისაწვდომი, პრაქტიკული და მოსახერხებელი. ამ მიზანს ხელს უწყობს მძლავრი სმარტფონებისა და მაღალი გაფართოების ეკრანების გამოსვლა.

ჰედსეტი Google Daydream View წარმოდგენილია მოწინავე ტექნოლოგიებითა და სენსორებით, მართვის ელემენტებით, პროგრამული უზრუნველყოფითა და უსადენო კონტროლერით.

მოწყობილობას მყარი პლატსმასის კარკასის ნაცვლად რბილი ქსოვილი აქვს შიდა მხარეს და თავზე მაგრდება რეგულირებადი ზონრის მეშვეობით. სმარტფონი თავსდება სპეციალურ ჭრილში. თვალთახედვის კუთხე 90 გრადუსს შეადგენს.

Daydream View-ს მართვა ხორციელდება უსადენო კონტროლერით, რომელიც სმარტფონს Bluetooth-ის მეშვეობით უკავშირდება. მას აქვს სენსორული ზედაპირი, ორი ფიზიკური ღილაკი და ხმის მარეგულირებელი კლავიში, იმუხტება USB Type-C პორტის საშუალებით, სპეციალური სენსორები კი იკვლევენ მოძრაობას.

რაღა თქმა უნდა, Daydream View ჰედსეტის გამოსაყენებლად საჭიროა თავსებადი მობილური ტელეფონი. თავდაპირველად მხარდაჭერილი იყო მხოლოდGoogle Pixel სმარტფონები, თუმცა საუბარი მიმდინარეობს სხვა კომპანიების მოწყობილობების მხარდაჭერის დამატებაზეც.

ჰედსეტის გამოყენება საკმაოდ მარტივია: საკმარისია ჩამოტვირთოთ Daydream-აპლიკაცია და სმარტფონი მოათავსოთ სპეციალურ ჭრილში, რის შემდეგაც მოხდება დაკავშირება და გამოსახულების ფორმირება. Google Daydream View პროგრამული უზრუნველყოფა თავად დაარეგულირებს გამოსახულების სისწორეს. 

  • დადებითი მხარე: ჯამში მოწყობილობა ნამდვილად მიმზიდველია და საკმაოდ ხარიხსიან გამოსახულებას გვთავაზობს;
  • უარყოფითი მხარე: თავსებადი მოწყობილობების რიცხვი მეტად მცირეა.

გადავდივართ მორიგ საინტერესო მოწყობილობაზე საძიებო გიგანტისგან:

სმარტ ჰაბი Google Home

ვისაუბრებთ სამი ტიპის ჰაბზე, ესენია:

  • Google Home;
  • Google Home Mini;
  • Google Home Max.

Google Home -ეს გახლავთ ინტელექტუალური მოწყობილობა, რომელიც განკუთვნილია სახლის ან ოფისისთვის. ჰაბს შეუძლია ჩართოს მუსიკა, გიპასუხოთ კითხვებზე და შესაბამისი დამატებითი აღჭურვილობის შემთხვევაში მართოს ჭკვიანი სახლის შემადგენელი სისტემები.

Google Home მუშაობს ხელოვნური ინტელექტის გამოყენებით, რომელიც მუდმივად განიცდის გაუმჯობესებასა და სრულყოფას, ასე რომ დღეს არსებული შესაძლებლობები შესაძლოა რადიკალურად განსხვავდებოდეს იმ ფუნქციებისგან, რაც გუშინ იყო ხელმისაწვდომი.

Google Home ჰაბი არსებობს სამი ზომის: სტანდარტული, Max ვერსია და Mini. მათ ხშირად მოიხსენიებენ Google Home Trio-დ, შესაძლებელია სამივე მათგანის ერთდროულად გამოყენება. 

სამივე სმარტ ჰაბში წარმოდგენილია:

  • ინტეგრირებული ხმოვანი დამხმარე Google Assistant. ყველა მოწყობილობას აქვს მიკროფონი და დინამიკი;
  • ინტეგრირებული ორდიაპაზონიანი Wi-Fi, რომელიც განკუთვნილია ჰაბის ინტერნეტთან დაკავშირებისთვის;
  • Google Home ჰაბები კვებას ქსელიდან იღებენ.

ორიგინალი მოდელი Google Home:

  • Оригинальная колонка Google Homeდინამიკი თეთრი ფერისაა, სიმაღლეში გახლავთ 14,27 სმ, დიამეტრის ზომაა 9.63 სმ და იწონის 450 გრამს.
  • მოწყობილობა ძირითადად იმართება ხმოვანი ბრძანებებით, თუმცა ზედა ნაწილზე აქვს სენსორული პანელიც, რომელზე შეხებით მომხმარებელს შეუძლია ხმის აწევა/დაწევა. ხელმისაწვდომია ასევე ღილაკი ჩართვა-გამორთვისთვისა და ინტეგრირებული დინამიკის გათიშვისთვის;
  • ჰაბის      ზედა ნაწილში განთავსებულია ორი მიკროფონი, რომლებიც მუდმივად ჩართულია გარდა      იმ შემთხვევისა, თუკი მფლობელი თავად მოისურვებს გათიშვას. მათი წყალობით ჰაბს      შეგიძლიათ დაუსვათ შეკითხვები ან მისცეთ ბრძანებები მაშინაც კი, როდესაც მუსიკაა      ჩართული.
  • ხმაზე      პასუხისმგებელია ორი ორდუიმიანი აქტიური დრაივერი და პასიური საბვუფერი. მოწყობილობას      აქვს სატელეფონო ზარების განხორციელების მხარდაჭერა. Google Home-ის დაკავშირება      სხვა მოწყობილობებთან შეუძლებელია, თუმცა შეუძლია ხმის გადაცემა იმ მოწყობილობაზე,      რომელსაც აქვს Chromecast.

მოდელი Google Home Mini

Умная колонка Google Home miniმინი დინამიკს ხშირად პატარა მფრინავ თეფშს ადარებენ, მისი სიმაღლეა 4.19 სმ, დიამეტრი 9/8 სმ და იწონის სულ რაღაც 170 გრამს.

  • ძირითადი ბრძანებები ხორციელდება ხმოვანი კონტაქტით, თუმცა ხმის რეგულირება შესაძლებელია შეხებით: თუკი ჰაბს მარცხენა მხარეს შეეხებით, ხმა დაიწევს, თუკი მარჯვენა მხარეს - ჟღერადობა გაძლიერდება.
  • Google Home Mini-ს აქვს ერთი, 4-სანტიმეტრიანი დინამიკი. იგი განთავსებულია ისეთნაირად, რომ ხმა ყველა მიმართულებით გავრცელდეს.
  • Home Mini-ს დაკავშირება სხვა მოწყობილობებთან შეუძლებელია,      თუმცა იგი გადასცემს ხმას Chromecast-ის      მხარდაჭერის მქონე გაჯეტებს.

მოდელი Google Home Max

Колонка с искусственным интеллектом Google Home MaxHome Max ყველაზე დიდია Google-ის სმარტ დინამიკებს შორის და ყველაზე მეტი ფუნქცია აქვს, პირველ რიგში ეს ეხება ხმას, რადგან დიდი გაბარიტების წყალობით მასში მოთავსდა ისეთი დრაივერები, რომლებიც ქმნიან უფრო მძლავრ და სასიამოვნო ხმოვანებას.

  • Google Home Max-ის      სიმაღლეა 18.8 სმ, სიგანე - 33.53 სმ, სიღრმე - 15,24 სმ. წონაც საკმაოდ სოლიდური      აქვს - 5.31 კილოგრამი.
  • ხმის      სიმძლავრე რეგულირდება წინა მოდელების ანალოგიურად: როგორც ხმოვანი ბრძანებით,      ისე სენსორულ პანელზე შეხებით.
  • ინტეგრირებული      მიკროფონები მუდმივად აქტიურია, თუკი მომხმარებელი თავად არ მოისურვებს გამორთვას.
  • გამოყენებულია      ტექნოლოგია Smart Speaker, რომლის      წყალობით კორექტირდება ხმა და იმართება გარემომცველი სივრცის შესაბამისად: სადაც      უნდა განათავსოთ დინამიკი, მიკროფონებისა და ხსენებული ტექნოლოგიის გამოყენებით      ოპტიმიზირდება საუკეთესო ხარისხისა და ჟღერადობის ხმა.
  • Max მოდელის მთავარი      განმასხვავებელი ნიშანი სხვა ვერსიებისგან გახლავთ შესაძლებლობა - მიუერთდეს მას      ხმის გარე წყარო სტანდარტული 3.5-მილიმეტრიანი კონექტორის მეშვეობით.

რა შეიძლება გავაკეთოთGoogle Home სმარტ ჰაბების გამოყენებით? 

  • სამი      ბრძანების გაერთიანება: ერთ ხმოვან მოთხოვნაზე დინამიკს სამი ბრძანების შესრულება      შეუძლია, მაგალითად შეგიძლიათ ჰკითხოთ ამინდი, დღის გეგმები და სთხოვოთ აბაზანაში      ელექტროენერგიის ჩართვა.
  • მუსიკის      მოსმენა: Google Home-ს შეუძლია სიმღერების ჩართვა ისეთი ონლაინ სერვისებიდან,      როგორებიცაა Google Play Music, Spotify, Pandora და ა,შ. ასევე შესაძლებელია      მუსიკის მოსმენა Bluetooth-ის      გამოყენებითაც.
  • სატელეფონო      ზარები: შეგიძლიათ დარეკოთ ხელების გამოყენების გარეშე, იმ პირობით, თუკი რეკავთ      ტელეფონის კონტაქტებში არსებულ პირებთან.
  • პასუხი კითხვებზე: დაუსვით მოწყობილობას ნებისმიერი კითხვა, რაც გაინტერესებთ

(ამინდი, სპორტული შედეგები, ფილმების დრო, ტრაფიკი, მართლწერა, სიტყვების განმარტება) და მასზე პასუხს მიიღებთ. თუკი Google Assistant-ს პასუხი არ აქვს, ამასაც გაცნობებთ.

  • Google Broadcast: თუკი სმარტ სახლში რამდენიმე Google Home ჰაბი გაქვთ, შეგიძლიათ ხმოვან ასისტენტს სთხოვოთ, რომ თქვენი შეტყობინება ყველა დინამიკს გადასცეს. მაგალითად, „OK, Google, გადაეცი შეტყობინება: ყველანი მაგიდასთან, საუზმე მზად არის“.
  • Family Link: სპეციალურად მომართვის შემთხვევაში Google Home-ს შეუძლია საბავშვო კონტენტის მიწოდება: მუსიკა,      ინფორმაცია, თამაშები და სხვა. დინამიკს შეუძლია საბავშვო თამაშებში ჩართვა და      ბავშვებისთვის ზღაპრების მოყოლა.
  • სმარტ      სახლის მართვა: შეგიძლიათ Google Home გამოიყენოთ,      როგორც სისტემების მართვის პულტი. ხელმისაწვდომია ინტეგრაცია ისეთი კომპანიების      პროდუქტებთან, როგორებიცაა Logitech, Nest, Philips Hue, Tp-Link, Wemo, Samsung SmartThings და ა.შ. თქვენ წვდომას მიიღებთ      ისეთ ელემენტებზე, როგორებიცაა განათება, თერმოსტატი, ინტელექტუალური როზეტები      და სახლის კინოთეატრი. ეს ფუნქციონალი დამატებით აღჭურვილობას საჭიროებს.

მორიგი აქსესუარი Google-სგან:

ყურსასმენი Google Pixel Buds

მახასიათებლები:

  • მაღალი      ხარისხის ხმა;
  • სენსორული      მართვა;
  • ხმოვანი      მართვა Google Assistant-ით;
  • მარტივი      დაკავშირება სხვა მოწყობილობასთან;
  • დამტენი      ქეისი, რომელიც ავტონომიურობას 24 საათამდე ზრდის;
  • თარგმნის      ფუნქცია რეალური დროში (მოქმედებს Google Pixel სმარტფონებში).

Google Pixel Buds – ეს არის ყურსასმენი, რომლითაც მოუსმენთ მუსიკას, განახორციელებთ ზარებს, გამოიყენებთ ვირტუალურ დამხმარე Google Assistant-ს და გადათარგმნით უცხოურ საუბარს. აქსესუარს აქვს თასმა, რომელიც კისერზე მოექცევა და გამორიცხავს ყურსასმენის დაკარგვის ალბათობას.

სრულად დამუხტული Pixel Buds ყურსასმენით მუსიკის მოსმენა 5 საათის განმავლობაშია შესაძლებელი. დამტენ ქეისთან ერთად გამოყენებისას კი ყურსასმენის ავტონომიური მუშაობის დრო 24 საათს შეადგენს.

თქვენი პირადი დამხმარე: 

Google Pixel Buds - ეს გახლავთ სწრაფი წვდომა მუსიკაზე, შეტყობინებებსა და სხვა სასარგებლო ფუნქციებზე, მათ შორის ვირტუალურ დამახმარე Google Assistant-ზე. ასისტენტის გამოსაძახებლად საჭიროა ყურსასმენის მარჯვენა თაჩპედზე თითის დაჭერა, ამის შემდეგ კი შეგიძლიათ Google Assistant-ს სთხოვოთ ნებისმიერი მუსიკის ჩართვა, რომელიმე სატელეფონო კონტაქტთან დარეკვა ან ნებისმიერი ინფორმაციის მოძიება.

ავტომატური დაკავშირება სმარტფონთან:

Pixel Buds-ის დაკავშირება სმარტფონთან ავტომატურად ხდება. საკმარისია იგი დადოთ Android-სმარტფონთან სიახლოვეს: ტელეფონი ავტომატურად ამოიცნობს აქსესუარს და შემოგთავაზებთ კავშირს.

გისმენს საუბრისას:

ყურსასმენი ფოკუსირდება მომხმარებლის ხმაზე და ფილტრავს ფონურ ხმაურს, რათა ადვილად ამოიცნოს და შეასრულოს მფლობელის მოთხოვნები.

თარგმნის უნიკალური შესაძლებლობები:

ყურსასმენი თავსებადია ყველა მოწყობილობასთან, რომელსაც Bluetooth-კავშირის მხარდაჭერა აქვს, თუმცა მთელ თავის შესაძლებლობას ავლენს მხოლოდ Pixel-სმარტფონებთან. Pixel Buds-ს შეუძლია გადათარგმნოს უცხოური საუბარი რეალურ დროში Google Translate-ის გამოყენებით. ამისათვის საკმარისია გამოიძახოთ ვირტუალური დამხმარე და უთხრათ: „Ok Google, დამეხმარე ესპანურად საუბარში“, რათა ესპანურენოვან თანამოსაუბრესთან კომუნიკაცია შეძლოთ. 

დღევანდელი სტატია დასრულდა, ვიმედოვნებთ საინტერესო იყო მსოფლიოს ერთ-ერთი უდიდესი კორპორაციის მიერ წარმოებული მოწყობილობების განხილვა. Sold.ge-ს ბლოგი მუდამ საინტერესო ინფორმაციებს შემოგთავაზებთ.


40