Google — ავტოფარეხიდან მსოფლიო კორპორაციამდე

Google — ავტოფარეხიდან მსოფლიო კორპორაციამდე | Sold.ge

Google — ავტოფარეხიდან მსოფლიო კორპორაციამდე

Google — ავტოფარეხიდან მსოფლიო კორპორაციამდე

სისტემა, რომლის გარეშე წარმოუდგენელია თანამედროვე ცხოვრების წესი. 

დღევანდელ ბლოგში ვისაუბრებთ კომპანიაზე, რომლის სერვისები ჩვენი ყოველდღიურობის განუყოფელი ნაწილი გახდა - კომპანიაზე, რომელმაც სპეციფიკიდან გამომდინარე ახალი გამოთქმაც კი დაამკვიდრა: „დაგუგვლა“, რომელსაც ნებისმიერი ჩვენგანი რეგულარულად იყენებს.

Googleყველაზე პოპულარული საძიებო სისტემაა, იგი ეკუთვნის ამერიკულ ტრანსნაციონალურ კორპორაცია Google Inc.-ს, რომელიც ჰოლდინგ Alphabet-ის შემადგენლობაში შედის. მოდით, ვისაუბროთ მის შესახებ, მოცემული ბლოგიდან შეიტყობთ ისეთ ცნობებსაც, რის შესახებ ამ დრომდე არ იცოდით. ვნახოთ, როგორ იქმნებოდა მსოფლიოს ერთ-ერთი წარმატებული კომპანიის ისტორია.

Google დაარსების ეტაპზე

თავდაპირველად საძიებო სისტემა წარმოადგენდა სასწავლო პროექტს ლელანდის სახელობის სტენფორდის უნივერსიტეტის სტუდენტებისთვის.ლარი პეიჯმა და სერგეი ბრინმა საძიებო სისტემა 1998 წელს შექმნეს. კომპანიის პირველი ოფისი განთავსებული იყო ავტოფარეხში, საძიებო სისტემის მთელი ალგორითმი კი ინახებოდა ათ 4-გიგაბაიტიან მყარ დისკზე. პროექტის არსებობიდან ერთ წელში შემქმნელებმა დაიწყეს გამჭვირვალე მოქმედების მეთოდის გამოყენება და სწორედ ამან განსაზღვრა კორპორატიული მართვის საშუალება. მიუხედავად იმისა, რომ კორპორაცია 02.09.1998 წელს შეიქმნა, დომენი Google.com ამ მოვლენაზე ერთი წლით ადრე იქნა დარეგისტრირებული. უნდა აღინიშნოს, რომ კორპორაციის სახელწოდება წარმოიშვა სიტყვა „googol”-იდან, რაც ნიშნავს ათიდან მეასე ხარიხს.

Google მართავს მილიონზე მეტ სერვერს მონაცემთა დამუშავების ცენტრებში მთელი მსოფლიოს მასშტაბით,ამუშავებს მილიარდობით საძიებო მოთხოვნასა და 24 პეტაბაიტ სამომხმარებლო ინფორმაციას ყოველ დღე. Google-ის სწრაფი ზრდა და პოპულარობა განაპირობა მისმა მთავარმა პროდუქტმა - საძიებო სისტემამ. კომპანიას ასევე აქვს ონლაინ-პროდუქტები, მაგალითად ელექტრონული ფოსტა gmail, სოციალური ქსელი Google+, ასევე დესკტოპ პროდუქტები, როგორებიცაა Google Chrome ბრაუზერი, ფოტოებთან სამუშაო პროგრამა Picasa და შეტყობინებების მომენტალური გაცვლის პროგრამა Hangouts. გარდა ამისა, აუცილებლად უნდა ვახსენოთ დღევანდელობის განუყოფელი ნაწილი - მობილური ოპერაციული სისტემა Android, ასევე Google Chrome OS და მოწყობილობა Google Glass. ვებ-გვერდი - google.com - ყველაზე ხშირად მონახულებადია ინტერნეტში.

ვებ-გვერდების ინდექსაცია Google-ის რობოტებით

Google Search

Google-ის საძიებო რობოტი - Googlebot, ეს გახლავთ მოწყობილობა, რომელიც ახდენს ვებ-გვერდის მთლიანი შემცველობის განხილვას საძიებო ინდექსისთვის. იმისთვის, რომ საიტი საძიებო ინდექსში დაემატოს, აუცილებელია შეიქმნას საკუთარი ექაუნთი გუგლ ვებმასტერში და დაემატოს AddUrl-ში. მთავარი უპირატესობა, რაც Google-ს სხვა სხვა საძიებო სისტემებისგან გამოარჩევს - ეს გახლავთ საიტების სწრაფი და ხარისხიანი ინდექსაცია. მთავარი Googlebot-ის პარალელურად არსებობს კიდევ რამდენიმე, კონტენტის სკანირებისთვის განკუთვნილი ინსტრუმენტი. ესენია:

  1. Googlebot-Mobile – ახდენს   მობილური მოწყობილობებისთვის განკუთვნილი სხვადასხვა საიტის ინდექსაციას.
  2. Google Search Appliance – ეს   არის საძიებო რობოტი, რომელიც შექმნილია აპარატულ-პროგრამული კომპლექსი Search Appliance-ისთვის.
  3. Googlebot-Image – რობოტი,   რომელიც ახდენს საიტების სკანირებას გრაფიკული გამოსახულებების ინდექსაციისთვის.
  4. Mediapartners-Google – ახდენს   ვებ-გვერდების კონტენტის სკანირებას, რათა განსაზღვროს საიტის შემცველობა.
  5. Adsbot-Google – ეს არის რობოტი, რომელიც ასკანერებს და განსაზღვრავს იმ საიტების ხარისხს, რომლებთანაც მიბმულია  კონტექსტური რეკლამა AdWords.

სანავიგაციო სერვისი Google Maps

Google Maps

Google Maps - ეს გახლავთ პრაქტიკულად მთელი მსოფლიოს რუკა ქუჩების დასახელებებითა და სახლის ნომრებით. აპლიკაცია შექმნა 2005 წელს, როგორც უფასო კარტოგრაფიული სერვისი. Google Maps წარმოგიდგენთ რუკებსა და თანამგზავრებიდან გადაღებულ ფოტოებს. სერვისში ინტეგრირებულია ბიზნეს-სახელმძღვანელო და გზების რუკები მზა მარშრუტებით. 

Google Maps-ის მეშვეობით შესაძლებელია: 

  • რუკაზე  ნებისმიერი წერტილის მონიშვნა;
  • რუკაზე  ფიგურების ან ხაზების დამატება, რომელიც მიგანიშნებთ ამა თუ იმ ობიექტისკენ მიმავალ      ზუსტ გზას;
  • შესაძლებელია  მომხმარებელმა რუკაზე დაამატოს საკუთარი კონტენტი, ფოტო ან ვიდეო;
  • შესაძლებელია  რუკის გაზიარება ახლობლებისთვის;
  • შესაძლებელია  რუკის დაბეჭდვა პრინტერის მეშვეობით.

ინტერნეტ-ბრაუზერი Google Chrome

Google Chrome

მომხმარებელთა უდიდესი ნაწილი უპირატესობას Google Chrome ბრაუზერს ანიჭებს. იგი შეიქმნა კომპანია Google-ის მიერ Chromium-ისა და Blink-ის ბაზაზე. ოპერაციული სისტემა Windows-ისთვის განკუთვნილი ბეტა-ვერსია გამოჩნდა 2008 წლის 2 სექტემბერს, სრულფასოვანი და სტაბილური ვერსია კი ამოქმედდა იმავე წლის 11 დეკემბერს. Google Chrome-ს იყენებს 300 მილიონზე მეტი ადამიანი, შესაბამისად იგი მსოფლიოში ყველაზე პოპულარული ბრაუზერია. მარტივი, სწრაფი და უსაფრთხო ბრაუზერი უზრუნველყოფს საიმედო მუშაობას ინტერნეტში.

Chrome-ს აქვს V8 ტექნოლოგიის მხარდაჭერა - ეს არის JavaScript-მექანიზმი, რომელიც ხელს უწყობს რთული ვებ-აპლიკაციების ჩატვირთვას მაღალი სიჩქარით. ვებ-გვერდების სწრაფი ჩატვირთვა ხორციელდება ღია კოდის მქონე ვიზუალიზაციის ახალი ტექნოლოგია WebKit Chrome-ის წყალობით. 

აპლიკაცია Google Play მობილური მოწყობილობებისთვის 

Google Play Mobile

Google Play - ეს არის მარკეტი, რომელიც მოიცავს აპლიკაციებს, მუსიკას, ფილმებს, ელექტრონულ წიგნებსა და თამაშებს. მასში ხელმისწვდომია 600 ათასზე მეტი აპლიკაცია ნებისმიერი გემოვნების მქონე მომხმარებლისთვის.

Google Play Store

Google Translate – მოსახერხებელი სერვისი ტექსტების თარგმნისთვის 

Google Translate

კიდევ ერთი, მეტად პოპულარული და სასარგებლო სერვისი Google-ისგან - Google Translate – მას შეუძლია დაამუშავოს ტექსტი სხვადასხვა ენაზე, გადაიყვანოს ტექსტის ან ვებ-გვერდის ნაწილი უცხო ენაზე. ყველა მომხმარებლისთვის ხელმისაწვდომია თარგმნის ვარიანტები, მაგალითად ტექნიკური და სტანდარტული.Google Translate-ს შეუძლია აჩვენოს მომხმარებელს, თუ როგორ იწერება და ითარგმნება წინადადება სხვადასხვა სტილში. 

ვებ-დისკი Google Drive

Google Drive

ფაილების ჰოსტინგი Google Drive შექმნილია და მხარდაჭერილი კომპანია Google-ის მიერ. ფაქტობრივად, ეს არის ყველა მონაცემისა და ფაილების ქლაუდ საცავი ინტერნეტში რედაქტირების შესაძლებლობით. Google Drive-ის ონლაინ ინსტრუმენტების შემადგენლობაში შედის დოკუმენტები, ცხრილები, პრეზენტაციები და ალბომები -ეს გახლავთ საოფისე აპლიკაციების სტანდარტული ნაკრები. როგორც წესი, Google Drive-ზე ყველა ხელმისაწვდომი დოკუმენტი ინდექსირდება საძიებო სისტემით.

Google Drive-ის პროფესიონალური ვერსიები

Google Drive for Work -ეს გახლავთ დრაივის ვერსია, რომელიც მიეკუთვნება პრემიუმ კლასს, იგი მოქმედია 2014 წლის 25 ივნისიდან. დრაივი საშუალებას იძლევა შეინახოს განუსაზღვრელი მოცულობის ინფორმაცია და მოიცავს აუდიტისა და ანგარიშგების ინსტრუმენტების გაფართოებულ ფუნქციებს. 

Google Drive for Education -ხელმისაწვდომია Google Apps for Education-ის ყველა გამომწერისთვის სრულიად უფასოდ. ყველა მომხმარებლისთვის ხელმისაწვდომია შეუზღუდავი სივრცე სხვადასხვა ფაილისა და მონაცემის შესანახად. ასევე, შესაძლებელია დიდი ზომის, 5 ტერაბაიტამდე მოცულობის ფაილების ატვირთვა.

დედამიწის რუკა Google Earth

Google Earth

Google Earthარის მოსახერხებელი და რაც მთავარია უფასო პროგრამა ვირტუალური გლობუსის სახით, რომლიც საშუალებას იძლევა გამოიყენოთ სხვადასხვა შესაძლებლობა და ფუნქცია, მაგალითად იხილოთ ამინდის პროგნოზი და ა.შ. ამ პროექტის მთავარი ფუნქციაა ინტერნეტში განთავსდეს დედამიწის თანამგზავრული გამოსახულებები.

კონტექსტური რეკლამის სისტემა Google Adwords

Google Adwords

Google Adwords კონტექსტური რეკლამის მოსახერხებელი სერვისია. ინტერფეისი მარტივია და წარმოადგენს ერთ-ერთ ყველაზე ეფექტურ ინსტრუმენტს ინტერნეტში რეკლამირებისთვის. შესაძლებელია დამოუკიდებლად დაგეგმოთ კომპანიის რეკლამები საძიებო ქსელში და მოაგროვოთ მონაცემების სტატისტიკა ogle Adwords Keyword Tool-ის მეშვეობით.საკვანძო სიტყვების (keywords) დამგეგმავი ინსტრუმენტი საშუალებას იძლევა შეგროვდეს იმ საძიებო მოთხოვნების ვარიანტები, რომლებსაც მომხმარებლები Google search-ში ეძებენ. Google Adwords Editor რედაქტორი - ეს არის უფასო აპლიკაცია, რომლის დახმარებით მართავთ მსხვილ ექაუნთებს, დაარედაქტირებთ მათ და შემდეგ გაუშვებთ Adwords-ზე.

მოსახერხებელი ელექტრონული ფოსტა Gmail თქვენი დომენისთვის

Gmail

Gmail-ზე დარეგისტრირებით უზრუნველყოფილი გექნებათ თქვენი მიმოწერის მოსახერხებლობა და საიმედოობა. კორპორატიული მომხმარებლებისთვის ხელმისაწვდომია დამატებითი უპირატესობები: 30 გიგაბაიტამდე სანახი სივრცე შეტყობინებებისთვის და ასევე სადღეღამისო უწყვეტი მხარდაჭერა.

სერვისი ვებ-ოსტატებისთვის - Google Webmaster

Google Webmaster Tools

Google Webmaster -ეს არის სერვისი, რომელიც ვებ-გვერდების მფლობელებს ეხმარება გახდეს მათი პროექტები კიდევ უფრო უკეთესი და მოსახერხებელი მომხმარებლებისთვის. ვებმასტერი გვატყობინებს ახალი და წაშლილი გვერდების შესახებ, საშუალებას მოგცემთ ჩამოტვირთოთ საიტის რუკა, შეამოწმოთ robots.txt მნიშვნელოვანი ვებ-გვერდების დახურვაზე, შეძლებთ მართოთ საიტის ინდექსაცია და გააუმჯობესოთ ვებ-გვერდის პოზიციები ძიების კუთხით. პანელის გამოყენებისას შესაძლებელია გვერდი ავუაროთ არარასურველ ბმულებს, რომლებიც ხშირად სპამავენ საიტებს.

Google Adsense- კუთვნილ საიტზე კონტექსტური განაცხადების განთავსების სერვისი

Google Adsense

გამოსაყენებლად მაქსიმალურად მარტივი სისტემა Google Adsense განკუთვნილია ვებ-გვერდებთან მუშაობისთვის. იგი მომხმარებლებს თანხის გამომუშავების საშუალებას აძლევს თავიანთ საიტზე Google-ის რელევანტური განცხადებების განთავსებით. Adsense-ზე დარეგისტრირებით მიიღებთ შემდეგ შესაძლებლობებს: 

  1. სარეკლამო      ერთეულების პოზიციებისა და ვიზუალის დადგენა;
  2. ავტომატური      სამიზნეების წყალობით ყველა განცხადება ნაჩვენები იქნება თქვენი საიტის ვიზიტორებისთვის;
  3. ხელმისაწვდომია რეკლამირების      ზომების და ფორმატების ფართო არჩევანი, ასევე არსებობს კატეგორიების მიხედვით      რეკლამირების ბლოკირების შესაძლებლობა.

სიახლეების აგრეგატორი Google News

Google News

Google News -ეს გახლავთ აქტუალური თემებისა და მთელ მსოფლიოში მიმდინარე მოვლენების პუბლიკაციისთვის განკუთვნილი სპეციალური სერვისი. მისი მთავარი ამოცანაა მოხმარებლებს აცნობოს მნიშვნელოვანი მოვლენებისა და სიახლეების შესახებ.

„გამოგონება საკმარისი არ არის. აუცილებელია გაერთიანდესგამომგონებლობა და ინოვაციური მიდგომა, აგრეთვე კომპანია, რომელსაც შეუძლია ნივთებისა და სერვისების კომერციალიზაცია და მათი მიტანა ადამიანებამდე“ - ლარი პეიჯი.

რამდენიმე საინტერესო-სახალისო ფაქტი Google-ზე:

  • Google-ში თხები მუშაობენ!

დიახ, დიახ, არ გეჩვენებათ, 200 თხა! საქმე ის არის, რომ კომპანია მიწის უზარმაზარ ნაკვეთს ფლობს და წამოზრდილ ბალახთან გასამკლავებლად თხებს იყენებს. ეს გადაწყვეტილება Google-ს გაზონის საკრეჭი მანქანების გამოყენებაზე ძვირი უჯდება, თუმცა კომპანია უპირატესობას თხებს ანიჭებს, რადგანაც თხები უფრო ეკოლოგიურია და მინიმალური ზიანი მოაქვთ გარემოსთვის.

  • უმსხვილესი გარიგებები პიცერიაში იდება

YouTube-ის შეძენა, რომელიც Google-ის ისტორიაში ერთ-ერთი უმსხვილეს გარიგებას წარმოადგენს, შესრულდა პატარა პიცერიაში, სახელად Denny’s, რომელიც პალო-ალტოში მდებარეობს. თვითმხილველების თქმით ხსენებული გარიგება მხარეებს შორის პიცისა და ყველის ჩხირების დაგემოვნების ფონზე განხორციელდა.

კომპანია ფლობს დომენს - googlesucks.com იმისთვის, რომ სხვამ ვერავინ შეძლოს მისი შეძენა-გამოყენება.

  • გუგლავს ყველა!

ეჭვგარეშეა! Googleმსოფლიოში ყველაზე ხშირად მონახულებადი რესურსია. მეორე ადგილზეა Facebook, მესამეზე - YouTube (რომელიც ასევე Google-ეკუთვნის).

  • უწყვეტი შოპინგი

Google შეუჩერებლად აგრძელებს განვითარებასა და გაფართოებას, ყიდულობს ახალ კომპანიებს და ინვესტიციებს დებს სტარტაპებში. საშუალოდ კომპანია კვირაში ერთ კომპანიას ყიდულობს, რომელთა რიცხვმა რამდენიმე ასეულს გადააჭარბა.

Google – ეს არის რობოტი და არა ადამიანი, მას უჭირს აღიქვას მოთხოვნა, მაგალითად „მიპოვე 24-საათიანი სუში-ბარი A-ქალაქის ცენტრში“. სწორი მიდგომაა გამოვიყენოთ საკვანძო სიტყვები: „სუში“, „ბარი“, „24-საათიანი“, „A-ქალაქი“,გამოვტოვოთ წინადადების შემადგენელი ზოგიერთი ნაწილი (კავშირი, ნაწილაკი) და წინადადების მეორეხარისხოვანი წევრები, მაგალიდად „ცენტრში“.

როდესაც გვჭირდება კონკრეტული ფრაზის პოვნა

ასეთ შემთხვევაში უნდა გამოვიყენოთ მკაცრად შესატყვისი ძიების მეთოდი. ამისთვის უნდა ჩავსვათ ფრაზა ბრჭყალებში. მაგალითად: „ჩვენ გვსურს, რომ Google გახდეს თქვენი ტვინის მესამე ნაწილი“ - ეს სიტყვები თავად ლარი პეიჯსა და სერგეი ბრინს ეკუთვნის. დამეთანხმებით, მათ ეს თითქმის გამოუვიდათ. 

შესაძლებელია თუ არა ძიება კონკრეტულ საიტზე?

რა თქმა უნდა. მოთხოვნის წინ ჩასვით სიტყვა site: საიტის მისამართი გამოტოვების გარეშე. მაგალითად: site:sold.ge

თუ გსურთ მსგავსი კონტენტის მქონე საიტის პოვნა, მისამართის წინ საკმარისია ჩასვათ „related”. Google შემოგთავაზებთ ალტერნატიული ვებ-გვერდების ჩამონათვალს.

როგორ მოვიქცეთ, თუ საჭირო სიტყვა დაგვავიწყდა?

დავამატოთ ვარსკვლავი * ამ სიტყვის ნაცვლად და ჩავსვათ წინადადება ბრჭყალებში.

ძიება სინონიმებით

ასეთ შემთხვევაში საჭიროა საკვანძო სიტყვის წინ ჩავსვათ სიმბოლო“ ~ „. მოთხოვნაზე - „ყველაზე პოპულარული წიგნები“ - მიიღებთ შემდეგ ჩამონათვალსაც: - „საუკეთესო ნაწარმოებები“, „წიგნები, რომლებსაც ყველაზე ხშირად კითხულობენ“.

როდესაც ვეძებთ წიგნს და გვჭირდება იგი გარკვეულ ფორმატს შეესაბამებოდეს, ვიქცევით შემდეგნაირად: დავწერთ filetype: და საჭირო ფორმატს. მაგალითად, „ოსტატი და მარგარიტა filetype:doc". 

შესაძლებელია თუ არა ვეძებოთ რამდენიმე მოთხოვნა ერთდროულად?

დიახ. ამისთვის საჭიროა დასვათ ვერტიკალური ხაზი საძიებო მოთხოვნებს შორის. მაგალითად, „ბინის ყიდვა | გაყიდვა“ - ასეთ შემთხვევაში Google გაჩვენებთ საიტების ჩამონათვალს, სადაც შესაძლებელია ბინის როგორც ყიდვა, ასევე გაყიდვა.

კიდევ რა შეუძლია გუგლს?

კიდევ ბევრი რამ. დასახლებული პუნქტების, ქალაქების ჩვენება, მათი ამინდის პროგნოზი, დრო, მზის ამოსვლისა და ჩასვლის დრო, სხვადასხვა კომპანიის აქციები და ა.შ.

საძიებო სისტემის გამოყენება ასევე შეგიძლიათ, როგორც თარჯიმნის, ვალუტის კონვერტერის, სიდიდის ერთეულების ძიებისთვის, კალკულატორის სახით.

არ გაქვთ დრო სიახლეების კითხვისთვის?

ასეთ შემთხვევაში თქვენთვისაა განკუთვნილი Google Trends. აქ იხილავთ დღე-ღამის განმავლობაში ყველაზე პოპულარულ საძიებო მოთხოვნებს, ნახავთ რას გუგლავენ ყველაზე აქტიურად მსოფლიოს ამა თუ იმ ნაწილში. Google Trends-ში ხელმისაწვდომია სხვადასხვა წლის სტატისტიკაც - შეგიძლიათ ნახოთ, როგორი იყო ვთქვათ 2002 წელი Google-ის თვალთახედვით.

ძიებასთან დაკავშირებული სახალისო შედეგები

Google-ში უამრავი სახალისო ცვლილება დაამატეს მწარმოებლებმა. მაგალითად, ბრძანება do a barrel roll ეკრანს შემოაბრუნებს 360 გრადუსით, askew – „მრუდე“ ძიება, blink html - URL-მისამართის ტექსტის ციმციმი და ა.შ.

Google-ში უამრავი თამაშიცაა. super mario bros-ის მეშვეობით გამოიმუშავებთ მონეტებს ისევე, როგორც საკულტო თამაშ Super Mario-ში. google pacman გაააქტიურებს Pac-Man-ს. ხოლო თუკი atari breakout-ს შევიყვანთ და „სურათების“ კატეგორიაში გადავალთ, შევძლებთ ცნობილი არკადის თამაშს.

გამოვრიცხოთ არასაჭირო სიტყვა საძიებო ფრაზიდან:

როდესაც გჭირდებათ ძიებიდან სიტყვის, ფრაზის ან სიმბოლოს ამოღება, დასვით მის წინ სიმბოლო „-. მაგალითად, თუკი ჩაწერთ „ნაპოლეონი - ნამცხვარი“ - მიიღებთ ინფორმაციას საფრანგეთის იმპერატორზე და არა ფენოვანი ცომისგან დამზადებულ ტკბილეულზე.

განვსაზღვროთ სიტყვის მნიშვნელობა:

დეფინიციის დაგუგვლაში დაგეხმარებათ სიტყვა „define”. მაგალითად, „define:DARPA” -პირველივე ბმულში იხილავთ ამ აბრევიატურის განმარტებას.


ჩვენი დღევანდელი ბლოგი ამით დასრულებულია, მომხმარებლებს კი მოგიწოდებთ ხშირად დაგუგლოთ SOLD.GE, ისარგებლეთ ონლაინ შოპინგით და არ დაგავიწყდეთ ჩვენი ბლოგები! SOLD.GE მუდამ თქვენს სამსახურშია!



19